Familienuus tot Oktober 2000
click hier om die Notule van die
vergadering te sien
A JAAP EN ALIE HOOGENBOEZEM
Bets Hoogenboezem Bets werk nog een strook deur en sy dink nog glad nie daaraan
om af te tree nie. Sy was reeds 66 jaar oud. Met Erika en Lida en hulle gesinne
gaan dit goed. Erika en Jacobus gaan eersdaags huisbou. ..en dan begin die
kopsere!! Manna en Cornel bly en werk in Durban. Hulle het reeds die afgelope
vakansie bietjie kom uitspan op die familieplaas in Greylingstad.
Theuns en Rina Hoogenboezem
By Jordaanstraat 22, sal jul ons twee oues kry
Net so skuins onder Heidelberg se Pick 'n Pay
Deur genade is ons darem nog bymekaar
In 'n 'struggle' met die millenium jaar...
Waterwerke is maar steeds 'n groot probleem
Amper het dit ons van die fees vervreem
Met al die kinders gaan dit 'touch wood' nog wel
Kleinkinders kan ons al tot agt tel
Die nuutste toevoeging was Vanessa
Prinsessie in Leon en Ida se nessie
Dis goed om weer tussen julle te wees
Op ons Klein Kariba Millenium fees.
Chris en Elsie de Jongh Dankie vir al die briewe en familienuus. Ons waardeer
dit en geniet dit om al die nuus te lees. Ons kan ongelukkig nie familiefees toe
kom nie weens verskeie faktore. Ek gaan Sept in vir 'n operasie aan my ander
arm...sal vir 'n rukkie uit aksie wees. (So haak mens maar met die jare uit) Ons
familie is dankbaar om te kan se dit gaan goed. Miskien kan ons Japie-kind ons
verteenwoordig by die fees. Johan en Monét geniet hulle twee kleingoed baie.
.....so ook Chris en ek!!! Dis vir ons wonderlik om so naby die kinders te woon.
Bertie en Alida verwag hulle tweede outjie in Desember. Hulle seuntjie praat van
"sy babatjie". Almal is vol in die werk en hoop om Desember 'n bietjie
te kan uitspan. Chris doen hier en daar lokum werk en daarna rus hy weer 'n
bietjie...maar is goed aan die gang. Ons dink so baie aan julle . Geniet die
fees en groete, Chris en Elsie de Jongh.
B. HENK EN BETTIE HOOGENBOEZEM
Johannes en Marietjie Marietjie het in Julie 70 jaar oud geword....maar sy kan
nog goed skop. Sy sê mos gereeld vir ons...alle wit perdeis nie ou perde nie.
Met Johannes is dit net andersom...hy was op 22 September 70 jaar oud...kan
eintlik nie meer skop nie...alhoewel, hy sê hy hardloop al amper weer met 'daai'
been. Hy is nou nie meer hééltemal goed vir die ama-kroko-kroko nie. Marelise
van Roly en Anneke begin Maandag met haar matriek eindeksamen. Die
matriekafskeid is verby en die 'afterparty' waaroor ons nou al 18 jaar lank
bekommer het, het ook gelukkig sonder voorval verloop. Twee van haar klasmaats
het reeds vroëer vanjaar in 'n gruwelike motorongeluk gesterf. Dit was vir die
al die maats 'n ontsettende skok. Terloops...kan julle sien hoe vinnig gaan die
jare verbyen hoe vinnig word ons almal oud...Marelise, wat die oudste van die
vyfde geslag is, verlaat vanjaar die skool. Sy wil volgende jaar gaan hokkie
speel in Australië... , andersins sal sy seker RAU toe gaan. Henk en Mari het
altwee vanjaar by die "naughty fourties" aangesluit. Wiekus volg
volgende jaar en Lize die jaar daarna. Hannes (van Henk en Mari) is volgende
jaar sy laaste jaar op laerskool. Dan is dit met hom ook die begin van sy hoërskool
loopbaan. Met die ander kinders en kleinkinders gaan dit almal goed. Hendrik is
die 'happy-go-lucky' ene. Hy is besig om die meisies te 'eye'. Herman en
Frederik is nou altwee in die grootskool...graad 2 en graad 1 onderskeidelik.
Frederik geniet dit nie aldag nie. Verder werk almal gelukkig. Met Willemien en
Henda gaan dit ook goed...en o-ja ....almal is so opgewonde...., Basie is van
middel November weer terug in die land van "melk en heuning"...of is
dit nog?...hy sal ook sê hy kan hom nie roer nie, dan gaan die land ten gronde.
Hy sal van nou-af by die Bonsmara telersgenootskap in Pretoria wees. Basie en
Charmaine beplan om op 15 November in die huwelik te tree. Charmaine is in Zambië
gebore en het daar groot geword. Sy is bereid om haar ma en pa en susters en
hulle families in Zambië agter te los en saam met Basie na Suid Afrika terug te
kom. Dis nogal 'n "tall order". Henda is op die oomblik in Sedgefield
besig met kursusse in eko-toerisme. Sy werk vir "Outward-bound".
Gelukkig kom die Desember vakansie vinnig nader sodat almal bietjie kan rus.
Renier en Anna van Emmenis. Ons is nou tuis in die meenthuis en Renier is nou
die tuinier wat alles om ons huis reghou. Johan en Elma is nog op Bloemfontein.
Hulle dogtertjie Madeli is op 18 Oktober 1999 oorlede. Sy was 6 jaar en 10
maande. Dit is nou omtrent 'n jaar gelede. Elma hou skool by St Michaels en
Anneen is baie bedrywig met sport en musiek ens. Rinus is ook nou amper twee
jaar oud. Bennie en Marna woon nog in Potch en werk steeds by Denel. Jean-Pierre
is die jaar in Gimmies en speel ernstig krieket. Aliana is in graad vier en is
gekies om Wes-Transvaal te verteenwoordig inAkrobaat. Louis en Marietjie is nog
in Randburg. Marietjie werk by RAU en dit gaan heelwat beter met Louis se
gesondheid.
Ina hoogenboezem Ina is steeds op Potch . Dit gaan goed met haar. Fanie en Carin
is in Pretoria. Fanie werk met geografiese inligtingstelsels.(GIS) Hy teken
kaarte vanaf satellietbeelde. Carin merk werkstukke vir Technikon SA. Michael is
in gr 5 en bly die boekwurm in die huis. Ina , in gr 3, geniet skool vreeslik
baie. Schalk (5jr) geniet sy fiets die meeste van alles. Henk en Roline is in
Pretoria. Henk is projekbestuurder vir 'n rekenaar- maatskappy en Roline 'n
dagmoeder vir babas. Annemarie is 5 jaar oud en Schalk is 18 maande. Douw en
Marianne bly op Potch. Douw bemark Bizzrall en Marianne doen deeltydse werk by
die PUK. Bernard en Tjaart is twee goeie sportmanne. Jeanne is nou al 4 jaar oud.
Schalla en Lieschen is nog op Vivo - hy boer vir Pieter. Lieschen werk in die
kantoor. Na-ure gee sy ekstra klasse vir die skoolkinders van die omgewing.
C. PIET EN GER SCHOLTEMEIJER
Jan en Rina is teeds besig met komkommers Hulle seun Pieter sê, Jan en Rina lyk
nou soos twee 50-jarige - 60-jariges. Blykbaar die skoon lug wat hulle daar
inasem en die harde lekker werk.
Bennie en Adrika geen nuus
Rieks se gesondheid keil haar sleg op en sy gaan algaande agteruit. Sy het nou
feitlik alle gebruik van haar hande verloor a.g.v. arteritis
Johannes en Antjie geen nuus
D. PIET EN EVELYN HOOGENBOEZEM.
Tant Evelyn het afgetree en bly in 'n "aftreeoord" by die kinders.
(die beste van twee wêrelde...aldus Johan Hoogendyk.) My telefoonnommer is nog
dieselfde (016) 349-6361, maar die adres het verander na Posbus 310, Heidelberg,
1438. Ek moet eersdaags gaan sodat dokters aan my oë kan werk, of dit 'n
operasie sal wees moet ons nog sien. Verder sukkel ek baie met my rug en verduur
baie pyn - maar ek kan nog goed "ballet" saam met die voorskoolse
kinders..!!! en baie praat..!!! My kleinkinders maak my gek...hulle raak te
slim...al dies op universiteit, hulle tel 4. Ek het 13 kleinkinders en 1
agterkleinkind.
Ben en Corrie van Wyk. Die jare hoop op en ons is nou met ons komende
verjaarsdae 65 jaar oud.. Ons gesondheid is gelukkig nog goed. Met Eben en
Marian gaan dit ook goed. Eben het so 'n ligte 'mishap' gehad - al 4 sy
voortande met 'n/sy slinger uitgeslaan en nog sy kakebeen ook gebreek (tannie
Corrie het hier 'n 'mishap' gemaak en ipv 'n slinger, skryf sy, sy slinger). Dit
kon 'n baie slegte nadraai gehad het. Met die genade van Bo was dit nie in sy oë
nie. Suzan is tans in Nederland as uitruilstudent vir 2 maande - sy geniet dit
om te fiets skool toe. Joan is nou laaste jaar in die laerskool. Benic(5) en
Carl(3) bly maar vol dingetjies. Pieter en Babré hoop om een van die dae na 'n
huis met sy eie erf te trek-nog steeds in Clubview. Pieter het sy vinger in 'n
biltongsnyer gehad. Hulle het twee kinders Megan(5) en Michael(3). Maarten boer
nog alleen. Hy het pas met 'n slaghuis begin. (Die familie het opgemerk dat hy
'n meisie vandag by die fees gehad het...ene Helen...lyk vir my maar baie na
Karin van 'Egoli'). Die lekker reën wat oor Gauteng uitgesak het, het ons gemis
en die stofstorms sal ons seker nog teister....soos Johannes sê....dit ís mos
Stannistof!.
Jo Hoogenboezem sê dit gaan met hom goed...so goed soos wat dit met 'n boer kan
gaan. Met al die kinders gaan dit goed...Hy het nou 14 kleinkinders en dit lyk
hy's los voor. ("die familie wil graag weet ...is dit nou die "new
potatoes"waarvan ons deesdae so baie hoor?)
Adri van Oudtshoorn. Dankie vir die uitnodiging na die familiefees. Ek kan
ongelukkig nie die fees bywoon nie. Ek het pas getrek en is nog nie lekker 'gesettle'
nie. Frits en Ilse woon op die oomblik in Zambië. Allistair en Maretha het 'n
dogter op 1 Oktober 2000 ryker geword. Kevin en Annemie woon steeds in Pretoria.
Mieke gaan volgende jaar 'groot' skool toe.
E. JOHANNES EN PLOON VAN TONDER
Oom Johannes van Tonder word op 26 Desember 2000, 90 jaar oud. Alhoewel sy
verstand helder is, is sy gesondheid swak. Hy is in Fleurenville waar hy 24 uur
versorging kry. Hy is nie meer in staat om die familiefees te kan bywoon nie.
Chris kom spesiaal van NZ vir die geleentheid van Pa Johannes se 90ste
verjaarsdag, alhoewel hy en Martha albei op verskillende tye oor die afgelope
jaar op besoek aan Pa was.
Joh en Loekie bly nog steeds in Suid-Kaap by Riversdal, alhoewel hulle die plaas
aan die voet van die Langeberge moes verlaat a.g.v. die agressiewe verspreiding
van Joh se velkanker...'n boer kan mos nie uit die son bly nie! Jaco en Estelle
woon steeds op Schoemansville by Hartebeespoortdam. Jaco het ook 'n plasie by
Mooinooi waar hy groente verbou en verkoop. Lucas is nog ongetroud en bly in
Parkmore. Hy is 'n advokaat. Cato en Jamie woon op Andrieskraal naby Patensie.
Jamie vertel vir die boere van al die landbou chemicalieë wat hulle benodig en
verskaf dit aan hulle. Andrieskraal is aan die beginpunt van die Baviaanskloof,
'n ongelooflike mooi en ongerepte natuurreservaat met 'n ruskamp te "Geelhoutboom".
Cato het haar eie agentskap nl. Baviaanskloof Eco Ventures begin. Kontak haar
vir 'n 4x4 roete of enige toerisme navrae in die omgewing. Tel (042) 283-0718.
Plonia en Hugo bly in Coronation, 'n ou myndorp naby Vryheid. Hugo is vennoot en
mede-eienaar van die dorpie wat hulle maatskappy ontwikkel en bemark. Hy is ook
'n prokureur op Vryheid. Goedkoop behuising of plek om 'n fabriek op te rig:
(034) 969-2761.
Leon en Adri. Met ons en ons kinders gaan dit goed. Leon jnr het sy M-graad
voltooi en 'n aanstelling in Kwa Zulu Natal aanvaar as Hoof, Sielkundige-dienste,
van die Polisiediens in KZN. Hy woon nou in Amanzimtoti. Jos en Arilia gaan ons
oupa en ouma maak in die nuwe jaar. Hulle en ons is baie opgewonde oor ons
eerste kleinkind.
Jacob en Lydia de Raadt Lydia hulle se jongste seun, Joss, is op 18 Augustus
2000 getroud met Michelle Les.
Chris en Martha van Tonder. Chris is nog steeds baie besig in sy eie
beplanning-saak. Martha werk ook in die saak. Hanno, die oudste is op
Universiteit, Louise volg 'n diploma kursus en Marleen vorder uitstekend op
skool.
G. JO EN FRIEDA HOOGENBOEZEM
Tant Frieda en haar suster Tant Tillie woon saam in Mooigeleë aftreeoord. Sy
verkies nog steeds die gesproke woord bo die geskrewe. Trotse grootouma van 6
agterkleinkinders en ouma van 22 kleinkinders.
Jan en Betsie Ons het op 1 Desember 1999 na Bosveldsig te Nylstroom verhuis en
in die pragtige Bosveld kom aftree. Ons woon hier rustig en veilig en geniet dit
terdeë, alhoewel ons ons steeds oor 'n mik werk. Betsie skryf die een boek en
kortverhaal na die ander in 'n poging om die ongenaakbare redakteurs te
oortuigom dit te publiseer. Ten spyte van die naderkruipende ouderdom en swakker
gesondheid, gaan dit met ons baie goed. Ons kinders Johan en Ronel en kleinkind
Susan is baie bedrywig en kon weens ander verpligtinge nie vandag teenwoordig
wees nie. Chris en Annelie en hulle drie seuns Werner, Dewald en André: Die
jongste, André, is op 9 Julie 1999 gebore en sover die soetste van al ons
kleinkinders. Met Chris gaan dit sover goed terwyl hy darem weer 'n bietjie
gewig opgetel het. Hy werk egter baie hard en is huidig omtrent voltyds op diens
en kon dus ook nie hier wees nie. Frits, Helené, Armand en Lize-Mari: Hulle
dogtertjie, Lize-Mari, is op 8 Augustus vanjaar gebore en dit gaan baie goed. Sy
word hierdie naweek (15/10/2000) gedoop en ons is op pad soontoe.
Jaap en Mary is Kapenaars in Bellville. Mary sukkel bietjie met haar gesondheid
maar andersins gaan dit goed. Mary-Park en Stefan Latsky woon gelukkig op hulle
plaas. Hulle tweede kind Jo, boer vir Hansie Hoogenboezem op Tolwe en hy trou
volgende jaar Februarie met die meisie van sy drome.Hul derde kind Pat, studeer
in die Kaap en Christelle is nog op skool.
Arie en Jeanette Ons bly steeds in Pretoria. Dit gaan met ons familie goed -
geen klagtes nie. Ons oudste dogter Mariska, is steeds in Engeland -
geselskapsdame vir 'n 'lady' van 92 jaar. Sy woon op 'n landgoed in 'n huis wat
skrik vir niks. Ons tweede Arie Pieter is steeds op PUK, meganiese
ingenieurswese, hy's volgende jaar in die pylvak,...Tiaan is in Amerika, die
Amerikaners se mielies gestroop van Oklahoma, Kansas tot bo in Montana, weer
terug tot in Texas. Hy het so vinnig gestroop dat die werk opgeraak het en nou
werk hy op 'n perdeplaas noord van New York City. Hy sal volgende jaar inval op
die PUK in meganiese ingenieurswese. Christien-in matriek-sal waarskynlik
volgende jaar of die jaar daarna begin met B.Sc. Menslike Bewegingkunde.
Paul en Daleen. Paul het 'n pakket geneem by vleissentraal. Hy is nou 'n boer en
sakeman. Frits het sy studies voltooi en is reeds met 'n volgende kursus besig.
Hy skryf reeds Maandag sy eerste eksamen. Dala is in st 8 en J.A. in Matriek.
Isabel en Harko Liewe familie, baie dankie vir die uitnodiging na die fees. Ons
sal ongelukkig nie hierdie jaar kan bywoon nie. Ek het onlangs skielik weer
begin skoolhou na 15 jaar en dit voel nog asof ek net Saterdae opkom vir
asem.Later sal dit hopelik beter gaan maar ek moet juis in daardie komende week
al my vraestelle vir 4 standerds inhandig. Ek is nietemin baie dankbaar vir die
geleentheid om so betrokke te raak. Dit gaan met ons baie goed. Harko(snr) is
nog gelukkig om steeds vir Sasol te werk. Henk beleef sy eerste jaar in die hoërskool.
Volgende jaar sluit Jo hopelik by hom aan. Dan moet Harko nog 3 jaar alleen in
die laerskool deurbring. Die Here het ons besonder geseën in die afgelope jaar
en ons eer Hom daarvoor. Ons hoop julle geniet 'n aangename fees. Harko, Isabel,
en kinders.
Pieter en Maarteli woon in Pretoria. Maarteli doen nog steeds
binnenshuiseversiering en wag nog op haar "groot" kontrak. Pieter is
nog steeds by die Watervoorsieningskommissie. Sy groot probleem as
personeelbestuurder is die "Employment equity" maar hy sit gelukkig
aan die regte kant van die stuur. Maarteli begin besef wat die veeleisende taak
van moeder is - die aanry, die terugry, die wag en die aanmoediging. Frieda is
volgende jaar in graad 1 en Bella in graad o.
H. JOHAN EN AD GRIFFIOEN
Gerrit en Margaret vra verskoning dat hulle nie die 'fees 2000' kan bywoon nie -
sou baie graag daar wou wees - werksomstandighede weerhou hulle. Johan is
verloof aan Cherie. Charl en Anneke werk by Culterra. Charl doen sy doktorsgraad
in ontginning en rehabilitering van veenlande. Lee en Billy se dogters is in
graad 2 en 2 jaar oud onderskeidelik.
Adri en Francois Christo is nou vennoot en 'n arbeidsreg- konsultant in die Kaap.
Adriënne en Hendri Warricker woon en werk in Pretoria. Annemarie woon en werk
as onderwyseres in Durbanville. Gerritjan is steeds student op Stellenbosch
Joop en Anita is gesond en woon in Helderblom - wes van Krugersdorp. Gonda en
Fanie du Plessis woon langs Joop en Anita en is baie gelukkig. Tanya is besig om
haar studies te voltooi in die rekenaar 'webwerf-ontwerp' bedryf.
Co Griffioen. Co is op die oomblik in Israel vir 2 weke. Sy was ook in Holland
vir haar pa se 90ste verjaarsdag. Quirine en Seppie het nou ook Stellenbosch toe
getrek. Seppie is 'n jeugpastoor. Quirine het 'n dogter op 15 Junie 2000, Liesje,
sussie vir Benjamin. Johan is steeds werksaam by Stellenbosch Munisipaliteit by
die afd. Beplanning en ontwikkeling-hy doen baie tekenwerk in sy aftye. Marcel
studeer nog tot die einde van die jaar. Hy is nou besig met "web-page
design" en programmering. Ekself(Co) is as sekretaresse werksaam by die
kerk.
Maarten en Emmie Rowan is tans finale jaar student in ingenieurswese en hoop om
volgende jaar sy meestersgraad te doen. Eben studeer in Landbou op Stellenbosch.
Caren is in graad 10 Noordheuwel. Cor is die laaste jaar op laerskool en is
onderhoofseun by sy skool Laerskool Kenmore.
Ria en Gerhard Adriana en Bert woon en werk in Pretoria. Riaan woon tuis en is
'n 'freelance' kameraman - o.a. vir Crux wat Sondagaande uitgesaai word. Griffel
is 2de jaar teologiese student op Potchefstroom.
Rentia en Kees Ons oudste en enigste seun Corné woon en werk in Newcastle as
bestuurder by die 'Spur'. Hy is 24 jaar oud. Jeanette(22) woon by ons in
Muldersdrift en werk by Fanél Glassware as kantoor-assistent. Mathilda studeer
bedryfsielkunde by RAU en is tuis in die koshuis. Adri, nou 17, het haar
leerlingrybewys en is volgende jaar in matriek. Hierdie 4 kinders se ouers is
ook nog gelukkig en gesond.
I. PAUL EN LYD HOOGENDYK
Tant Lyd sê dit gaan met haar nog goed. Sy is op die oomblik in Amerika- kuier
'n bietjie by Paul en Jean....sy sal omtrent 2 weke weg wees. Johan en Marietjie
het saam met haar gervlieg, om toe te sien dat dit met haar goed gaan. Sy woon
heel gelukkig in Potchefstroom en kon maklik aanpas tussen al die doppers. Haar
gesondheid is onder omstandighede nog goed.
Chris en Jana Dit gsaan goed met ons. Ons bly steeds in Potchefstroom. Lydia en
Pieter bly in Johannesburg en verwag hulle eerste baba in die nuwe jaar....eerste
kleinkind vir Chris en Jana. Johan is nog 'n student.
Frits en Magda Met Frits en Magda gaan dit goed. Omdat dit by die werk nie so
besig is nie, het Frits meer tyd om by die huis te spandeer. Paul is op die
oomblik in Australië waar hy gaan kyk het hoe hulle die silo's daar vervaardig
en 'n bietjie ondervinding daar op te tel. Wiida en Dawie is nog in
Bloemfontein. Met hulle besigheid, 'Sleeper Corner' is hulle in die afgelope
jaar besonder geseënd gewees. Wiida verwag ook hulle tweede baba. Kerneels
geniet nog sy werk by Merchantile Registrars. Hy is nou besig met sy tweede jaar
as M.B.A. student. Dit hou hom uit die kwaad as hy nie werk nie. Lydia hoop om
die jaar te kwalifiseer as verpleegsuster by die PU vir CHO. Hoeveel tyd daar
nog aan die studies gespandeer word, weet ons nie, dit lyk asof alle tyd en
energie aan die reëlings en voorbereidings vir haar troue op die 2de Desember
2000 met David Jacobs gaan. (nee, dis nie 'n drukfout nie...ons verval onder die
Jacobse) As dit nie Dawie is nie, dan is dit David. Magda jnr sprankel en geniet
dit as student op die PUK. Sy kry selfs kans om te studeer. Sy is besig met
tweede jaar B.Com- Informatika.
Johan en Marietjie Ons is baie geseënd met gesondheid en ook dat dit met die
besigheid goed gaan. Ons oudste seuns het gelukkig altwee werk en waarvoor ons
ook baie dankbaar is. Ons dogter Annemarie en 3de seun Johan is nog studente op
die PUK en Mauritz is in st. 8. Ons bly lekker in Krugersdorp. Paul, ons oudste
seun is verlede jaar getroud op 25 September 1999 met Corlia Coetzee en hulle
bly in Betlehem. Alwyn is tuis by ons en werk in Roodepoort.
Paul en Jean se besigheid brei baie uit. Paul se kinders kuier gereeld vakansies
in Amerika. Paul jnr bly in Amerika en die ander kinders is almal in SA. Kona
werk by 'n rekenaarmaatskappy, Jan is nog 'n student en Lydia is nog op Hoërskool.
Willem en Isabel Vogel. Wimpie skryf vanjaar matrieken gaan volgende jaar PUK
toe. Lydia maak nou klaar met graad 9 en Paul met graad 5. Ons gemeente het 6-8
Oktober ons 50-jarige bestaan gevier en dit was 'n fees.
J. CHRIS EN BESSIE HOOGENBOEZEM
Johan Anna is op 20 April 2000 in die ouderdom van 56jr oorlede. Die hele
familie wil net aan Johan en sy kinders sê ons dink aan hulle in die swaar dae
wat voorlê. Sy was 'n goeie vrou vir Johan, 'n goeie ma vir haar kinders en 'n
goeie ouma vir haar kleinkinders, wat haar skaars geken het Nogmaals sterkte in
die dae en jare wat voorlê. Daar was darem twee sonstraaltjies vanjaar, nog 'n
kleinkind en nog 'n skoondogter!
WA en Annatjie Twee kleinkinders in een jaar, dieselfde ouma en oupa, gelukkig
nie dieselfde ma en pa nie.
Adrien het gebel en groot asseblief verskoning gevra. Sy speel op 'n troue en
kan onmoontlik nie die mense in die steek laat nie. Sy brand egter om ook op die
familiefees te wees want sy weet hoe lekker die atmosfeer by Klein Kariba kan
wees.
Fanie en Lieb geen nuus
Ockert en Christa geen nuus
Kobus en Greta Greta sê sy het nou gehoor van Johannes wat die oudste neef is,
die voorperd, sy kan nou nie juis sê sy is die agterperd nie...maar sy is die
jongste van al die neefs en niggies en sy was so pas 40. (Die familie sê, baie
geluk en ...al gehoor van agter-os kom ook in die kraal?) ..........